Kullankaan oo ay marti sharaf ku ahaayeen Ra,iisulwasaare hore Dr Abdiweli Maxamed Cali Gaas, Aqoonyahan Maxamed Diini, Amiin Camir iyo Afhayeenka dhalinyarada la dagaalanka Qabyaalada ee Fadhigooda uu yahay Ingiriiska C/fitaax iyo marti kale oo badan oo ka kala imaaday Dalka Netherlands iyo dibadiisa ayaa waxaa ugu dambeyn halkaasi kula hadlay dadkii ka soo qeyb galay Dr Abdiweli Maxamed Cali Gaas

Maxamed Diini oo ah aqoon yahan u istaagay dhiirigalinta dhalinyarada da,da yar ee u diyaarsan in ay wax bartaan ayaa ugu horeyn ka hadlay goobta isagoo oo bandhigay barnamijyo qiima badan oo hay,ada Unicef iyo wasaarada Waxbarashada Soomaaliya ay isla wadaan oo loogu magacdaray Go back to school, kaas oo ujeedada laga leeyahay ay tahay in fursad waxbarasho loogu abuuro caruurta waxbarasho la,aanta ay ku hayso Soomaaliya

Waxaana la doonayaa ayuu yiri in iyadoo laga faa,ideysanayo loona faa,ideynayo dhalinyarada wax ku baratay qurbaha ay ka qeyb galaan barnaamijkaasi oo fursad loo siinayo in ay sheegtaan Magaalada ay tagi karaan oo ay kaga qeyb qaadan karaan wax barida Caruurtaasi, iyadoo la kafaala qaadayo noloshooda mudda ay halkaasi joogaan wax xoogaa mushaar ahna lagu siinayo shaqada ay hayaan ayuu yiri, Waxaana uu ugu baaqay in ay ka faa,ideystaan dhamaan dhalinyarada wax ku gartay qurbaha ilaa heer jaamacadeed.

Amiin Caamir oo isna halkaasi ka hadlay ayaa qaab wanaagsan u sharaxay farshaxanka uu ku caan baxay isagoo muujiyay in uusan jirin qof, qolo ama degaan uu si gaar ah ula dagaalsan yahay balse sawirada uu sameeyo ay yihiin kuwa ka turjuma dareenka shacabka sidaas darteedna uu sawir ka sameeyo hadba meesha uu u arko in ay wax ka qaldan yihiin si ay isu saxaan ayuu yiri.

Waxaa si kooban uu ugu qeexay sawirada uu sameeyo ay yihiin muraayad uu qofka iska dhex arki karo oo u saamaxeyso in uu iska saxo meesha ka qaldan, waxa uu intaasi ku daray in ay la isku dayay qaabkasta oo loo joojin karo shaqada uu hayo, waxaana balan qaadaa in marnaba aanan joojinaynaynin ayuu yiri wax kastoo la iila yimaado.

Guddoomiyaha Hay,ada kullanka soo qaban qaabisay Maxamed Cigaal ayaa halkaasi ka sheegay muhiimada ay leeyihiin kulamada noocaan ah iyadoo hay,adooda ay muhiimada siiso sidii loo hormarin lahaa waxbarashada caruurta danta yar ee Soomaaliya, isagoo faafaahiyay howlaha samafalka iyo caawinaada ah ee Soomaaliya ay ka sameeyaan.

Waxa uuna u mahadceliyay madaxda iyo dadweynaha kale ee sida sharafta leh ugu aqbalay marti qaadka ay u sameeyeen, si ayugu faa,ideeyaan dadweynaha ka soo qeyb galay kullamada isugu jira Ciyaaraha Cagaaga ee ay qabteen sanadkaan iyo munaasabadaha ay ku xusayeen Sanadguuradoodii 15 aad.

Ugu dambeyna Waxaa halkaasi ka hadlay Ra,iisulwasaare hore Dr Abdiweli Maxamed Cali Gaas oo ku dheeraaday faa,idada ay leedahay waxbarashada iyo qofkasta oo Soomaali ah uu masuuliyad iska saaro sidii uu wax ugu noqon lahaa halka uu joogo waayo marka aad wax ka noqotaan meesha aad ku nooshihiin ayaad wax ku kordhin kartaan Dalka ayuu yiri.

Abdiweli Gaas oo in badan ka hadlay qaabka loogu gudbi karo dib u dhaca haysta Bulshada iyo Dalka Soomaaliya ayaa tilmaamay in ay muhiim tahay in lala yimaado qaab hor leh oo ka duwan qaabka hada ay ka wada siman yihiin qurba joogta ee ah in biilka reerka soomaaliya ku nool laga diro dibadaha.

Waayo waxa wax diraya waa jiilka hada jooga jiilka dambe ama caruurteeda ma ahaanayaan sida aan hada nahay ee waa in aan ka fikirnaa waxyaabo kale oo lagu joogtayn karo caawinaada aan dib u galino dalka taas oo aanan culeys ku sii ahaanaynin caruurteena caawinaadana aysan kaga go,aynin dalka ayuu yiri.

Qaabka kaliya ee aan sidaas ku sameyn karnana waa in aan la noqonaa aqoon iyo tamar bani aadan oo wax tar leh oo macnaheeda ay tahay in dadka aqoonta leh ay dib ugu laabtaan dalka halkaasi ka bilaawaan Maalgalin wax ku ool ah ama in ay isku xiraan Dalka iyo bulshada dalalka aan ku nool nahay oo halkaasi ay ka dhex abuuranto fursad dan u ah labada dhinac ayuu yiri.

Ugu ddambeyna waxa uu ugu baaqay in laga wadda shaqeeyo barnaamijyada danta u ah bulshada iyadoo fikirka la isku qilaafi karo hadana in la fiiriyo waxa faa,idada ugu jirta umada oo dhan oo ah sida kaliya ee loogu gudbi karo dhib u dhaca haysta bulshada Soomaalida.

Halkaan Ka Daawo Sawirrada Kullanka habeenkii hormarinta.

Fogaan Arag News

Waxyaabihii MAANDEEQ kaloo loo aqoonsaday waxaa ka mid ahaa XORRIYADDA. Haddaan Tusaale u soo qaaddano waagii Gobonnimo doonka ee lagu raadinayey dowladnimo, maamul iyo nidaam Soomaali hoggaanka u hayso ayaa Maandeeq loogu yeeri jiray XORRIYADDA ee wuxuu yiri. Waa halkuu Abwaan Abwaan Cabdullaahi Suldaan Timacadde “AUN” ka yiri:

Gumaysigu HASHUU naga dhacay, Een gurayey raadkeeda
Gaashaandhiggeedii HASHUU, Galowgu eedaamay
Gacmaa lagu muquunshaye xornimo, Noogumay garane
Garre iyo Guntane maalintay, Gees isugu boodey
Allaa noo gargaaree xornimo, Noogumay garane

Haddaba, weydiintaydu waa: maxaa DAWLADDA loogu mgacaabay MAANDEEQ? Illeen Soomaalidu DAWLAD ma jeclaane? Kama muhimsane, horta yaaba ku taliyey in magacan DAWLAD loo baxsho? Laga yaabee, inaad i tiara; waxaa looga jeeday in dawladdu wax wanaagsan tahay, haddana, waa hubaal inaan wanaaggeed la arag, iska daa in la xaqijiyo inay wanaasgan tehee.

Maanta MAANDEEQ waxaa madaxeeda ku magacaaban mudane Xasan Sheekh, taa awgeed, ayey ila dhaafi waysay inaan eraydan ku wajho isaga, kolleey iga waaya aragsan, haddana, af nooli hadal dhaafi waa.

KALI TALIYE Maxamed Siyaad Barre ayaa BARQO CAD la diray isagoo madax u ahaa ciidankii ugu awoodda badnaa Geeska Afrika. Inta ku hortaal eeg, wixii Dawlado ku meel gaar la soo dhisay, Dawladdii Carta, C/Qaasim iyo Prof Galayr buuqii laga dhalshay, waa lagu caana maalay, oo waxaa kursigii loo dhiibay Xasan Abshir Faarax, oo ka mid ah Dhakawyada Colaadda Soomaaliyeed ee xilliyadii burburka, sidoo kale Maxamed Cabdi Yuusuf oo isna ku xigsaday, ka dib markii xilka laga qaaday Xasan Abshir.

Shirkii Kenya wuxuu dhalay Jabhadka ugu cimriga dheer Geeska Afrika, waan filaa inaad Xamar joogtay wixii dhacay kaaga sheekayn maayo. Waxaa xigay dalwaddii Shariif, mabda’ la’aan ka sokow, waxaa la degay musuq sayaasadeed iyo maalba. Ina Sharmarke heshiis dhagareedkii Gaalkacyo ka sokow markuu xilka ka dagayey laba Malyan oo Dollar ayuu hore u sii qaatay, malaha waa midda uu hadda Jubbooyinka ku qasayo.

Formaajo markii la magacaabay, in kasto oo uusan qudhiisa aragti la ammaano horey u qabin, maadaama uu buug uu qoray beelo Soomaaliyeed iyo madaxdii dalka soo martay ku aflagaaddeeyey, haddana, in xilka laga qaado, waxaa ku tookhay Mudane Faroole, isna waxaa xigsaday Gaas, kii horaba ka dar! Maxaa yeelay dadkaba wuxuu ka yaqannay Reer Bari, waa ninkii is hortagay aqoonsiga Maamulka Khaatumo State, waxaanse la yaabaa, marka aa arko Prof Galayr oo sidii Qawsaar Geeljire ah u dhaqmaya. Maahmaah Soomaaliyeed ayaa tiara: “Hal diidaysaa geeday ku xoqoto ma waydo!”.

Maanta marxalad cusub ayaa la galay, dawlad walba caqabad ayey yeelatay oo ama ridday ama raadkeeda tirtirtay. Taada waxay eersan doontaa laba arrimood, oo mid ay la wadaagto kuwii hore midna u gaar ah, oo kala ah:

FEDERALKA [BEELEYSIGA]
DASTUUR DADBAN [DABRAN]

Kan hore waa kan Jubbooyinka ka socda, oo ay ku yeelatay dhawr madaxweyne wax ka yar 48 saacadood. Way iska caddayd inay sidaa wax ku dhammanayeen, waxaa sabab u ah faraglinta shisheeye ee ay ugu horreeyaan Kenya iyo Norway Itoobiyana ha moogaan.

Madaxweyne Wiilkii AANAS yare eed London ku aragtay wuxuu ku yiri: “MADAXWEYNE LAGU WADA AMMAANI MAAYEE, YAAN LAGU WADA CAAYIN!”.

Qaylada maanta baxaysa ee ku aaddan Dastuurka, Federalka iyo Maamul Goboleedyada, waxay badeshay eragii ahaa: “LOOMA DHAMMA!” oo mar walba ay ku hoos jiraan arrimaha kala ah:

DANO SHISHEEYE
DANO QOFEED
DANO BEELEED

Isu gayn waxay isugu imaanayaan FASHILIN ka dhalay FASHAL ama FADHIIDNIMO jira! Waxaan uga jeedaa, markii hore way kuu ekayd inaad Axmed Madoobe Wasiir ka dhigto, adaaba albaabkii isku soo xiray, ee toban Wasiir ayaadba dhaafi waysay, adoo waliba ka tagay Wasaarado muhim ah sida Caafimaadka iyo Waxbarashashada. Marka aad ka gudubto caqabaddiisa aad bannaanka dhigto, ayey ahayd mase dhicin, dib u fiiri, dawladdii C/laahi Yuusuf, ama tii Shariif, waxaa sal u ahaa QABQABLE iyo WADAAD, muddo ka dibna waa la wada xaaqay.

Hadda tallaabada ugu muhim waa; in ama uu IS CASILO ama aad adigu XILKA KA QAADDO Wasiirka Arrimaha Gudaha iyo Amniga Qaranka c/kariim Xuseen Guuleed. Maxaa yeelay isaga ayey ahayd inaw kala furufuro hawlahann, iyana ma dhicin, wali waa taagan tehee, isaga ka billow tallaabada ugu horraysa.

Kaa kaliya ma ahan, waxaa aad lagaaga yaabay marka aad wali baalka ugu haysato Mudane Tarzan. Xilka uu hayo in la kala qaado oo laba qof loo dhiibo waa muhim xaaladda lagu jiro awgeed. Midda lala sii yaabay baa ah waxa aad la sugtay Shariif Shuukhunaa Maye  oo gurigiisa laga helay hub Sharci darro ah, hadduu qabqable ahaa waaba la garan karay, balse, wuxuu ahaa Taliyihii Booliska Soomaaliyeed. Waxay ka dhigantahay Halkay Soomaalidu ka dhihi jirtey: “Ruqo ninkii lahaa dabada hayaa ma kacdo!”.

Mooshin ku sheegga Guddoonka Baarlamaanka loo gudbiyey kuwa geeyey waa gayru masuuliine, waxaa MUQADDAS ah in magacyadooda iyo beelaha ay ka soo jeedaan la sheego, maxaa yeelay Beel ayey matalaane shacab iyo umad ma matalaan! Haddii ay noqoto inay beel gaar ah u bataan, waa in beesha odayaashooda loo gudbiyaa cabasho ka dhan, hadday iyagu tabanayaanna waa inay soo gudbiyaan, ee ma ahan inay mooshin ku dhuuntaan. Waxaa la yiri: “Doqoni xin mooyee xisaab ma taqaan!”. Xildhibaannada Mooshinka wadaana waa qaabkaas. Haddaad hungurooto waa la hadlaa, hab baa la dhisaa wax lagu helo. Inta hungurigu wado waxay kala yihiin:

XIL SUGAYAAL; Damaaci ah inay xilal ka helaan hadii xukuumaddani dhacdo, tan dambee la soo dhisayo.

XASARADLEEY; U taagan dharaar iyo habeen in colaaddo aysan damin, dhiiggooda ayaa ku shaqeeya, haddii kale WADNAHA ayaa istaagaya!

LAALUUSHLEEY; Doonayo inay soo nooleeyaan hannaankii MOOSHINKA MAALKA!

MURANLEEY; iska jecel in is qabqabsi iyo is afgarad la’aani jirto mar walba.

Waxaa LIX BILOOD la sugay si uu u soo ifbaxo KHILAAF adiga iyo Saacid, ama Saacid IYO Jawaari, am adiga iyo Jawarim markii la arkay in aysan soo socon khilaaf oo aad tihiin [KOOX QURA] ONE-TEAM, ayey dani bidday inay BANNAANKA is keenaan, iyagoo ku soo daba gabbanaya cabanashooyin beelo kale qabaan, iskuna soo dhex qariyeen.

Laakiin umadda Soomaaliyeed markaan tooshka ayay ku wada haysaa, waana la fahansan yahay arrinta Jubbaland waxa qasaya oo dabada ka riixaya. U fiirso: CUMAR CABDIRASHIID, FAROOLE, CABDI WELI GAAS CADDE MUUSE iyo qaar kaloo badan oo Malaa’ig iska dhigaya! Ayna ugu horrayso SAHAL iyo TV-yada saacadaha ka soo gala Magaalooyinka Minnneapolis, iyo San Paolo, ee Gobolka Minnesota, balse ku hadla had iyo jeer afkaarta reer qura.

Mudane Madaxweyne hana u joojin dadka danaystayaasha ah ee ay ku fogaatay qabyaaladda iyo qabiilku, ee gabbaadna ka dhigta FEDERAALKA.

Ma tihid Malag danbi la’aan ah, balse cabashada maanta yeeraysa ma aha mid SHARCI ah. Waxaa ka marag kacay Xildhibaan Xoosh, oo ahaa Wasiirkii hore ee Dastuurka, oo yiri:  “Waxa Ka Socda Magaalada Kismaayo Ma Waafaqsana Dastuurka!”.

Maahmaah ayaa leh: “Nin Xaaskaada u jeeda Gabadhaada kuma qanco!” oo la mid ah Faroole iyo inta la fekerka ah inay xil helaan ma ahan si kale kuma qancaan! xitaa ma gartaan inay afartaan sano sugtaan, inta ay wayn lahaayeen waxay ka xigaan in Soomaali IS LAYSO! La kala Aamin BAXO! La kala GUURO!

MOOSHINADDA socdaa waa KU MEEL GAARKII dib loogu LAABTO!  Waxayse halmaameen in KU MEEL GAARKII looga baxay:

Sabarka SHARIIF ee JILJILEECU la socday + DALLAALNIMADII SHARIIF SAKIIN + ISKA FIIRSIGII SOOMAALIDA KALE + DAALKII DUNIDA IYO CAALAMKA oo ay ka ahayd bal hal mar na mootiya, oo KU MEEL GAARKA dhammeeya. Hubaal Soomaaliya inaysan wayn doonin waddani dhab ah oo gadaal ka saxa qaladaadkan iyo damaca foosha xun ee jira!

Mudane Madaxweyne, haddii aadan la imaan KARTI, DULQAAD badan, DABACSANAAN Wallee inaadan geeddiga MAANDEEQ meel dheer gaarsiinayn! Taa macnaheedu ma ahan, inaad Rikaatto walba u nuglaato, ee waa in ninkii cabasho xaq ah wata aad dhagaysatid waxna ka qabatid.

Maanka ku hay, Maamul waxaa dhaama ama halleeya waa inta hoos ka shaqaysa, intiinna sare wax aadnaan ogayn ama ka warqabin ayaa hoostiinna laga laaqayaa, u badi inay xumaan iyo xasarad abuur kaliya tahay. Marka waa inaad lahaataan dareenno dheeraad ah oo aad ku ogaataan inta qaska wadda.

Ka muhimsane, Mudane Madaxweyne dawladdaada dalwad ka awood badan burburkii ka dib lama dhihin. Haddaba, waa inaad awooddaa ku adeegataa, adoon cidna ku gardarroonayn kuna xadgudbayn. Waana inaad ka billowdaa in Axmed Madoobe iyo Kooxdiisa ood ku summaddaan QASWADAYAAL, illeen haddaan taladiinu meelmarin meesha maxaad ku haysaan?!

Taa adigu eed kuma lihid, oo hortaa baa la jideeyey, marka waa uun SUNNO jirtay oo aad dabbaqday. Waxaa iila yaab badan kuwa maanta ka mudaharaadaya deegaanka Bari jacayl ay u qabaan Jubbooyinka ma ahane, dantooda ayey ka dhex arkeen, markuu Faroole lahaa Soomaali Galbeed Soomaali ma ahan, ee uu Itoobiya u gacan galinayey qofna kama hadal, waaba ku taageersanaayeen, dadka gacan galinta mudnaa lahaa Axmed Madoobe ayaa ka mid ah, balse, maanta waa lagu Awr kacsanayaa, Allaw doqoni damiinsanaa!
Suuragal ma ahan mana la qaadan karo in maalin walba WAFDI DAWLADDA ka socda iyo MASUULIIYIN laga celsho Garoonka Magaalada Kismaayo. Iska daa Mudane xil hayee Muwaadin Soomaaliyeed ee aan Dambiile ahayn in laga celshaa qalad ah, idinkuna waad ku fiirsateen. Kaaga darane, ninka waxaa samaynayaa wuxuu ka soo boqooleey Soomaali Galbeed.

Axmed Madoobe wuxuu ka mid ahaa WADAADADII WAALLIDA WADAY! Waxaan sidaa u leeyahay wuxuu ku jiray firxadkii Maxkamadaha, ka dib ayaa isagoo dhaawac ah Xabashidu qabteen, inta la soo daweeyey ayaa dib loogu soo celiyey Jubbooyinka.

Maanta waxay taagan yihiin Maamulkaa wuxuu xarun u noqon karaa Mucaaradka Itoobiya, sidaa awgeed waa in laga hortagaa. Tani waxay keenaysaa in laga faa’iidaysto ka biya diidka Itoobiya, illeen waxa halkaa ka soo socdaa waa hubaal inaysan dan Soomaali ku jirine.

Bashiir M. Xersi
brdiraac@hotmail.com

Fogaan Arag News

Qormadaan waxa ay u gaar tahay Qoraaga ku saxiixan looma qabsan karo Maamulka iyo Howlwadeenada Barta Fikirka iyo Fogaan Araga 

NAIROBI, KENYA:

Six police officers were injured in the operation that took almost eight hours. Police say the man planned to stage a terror attack in Nairobi when they tried to arrest him in his house on Saturday night.

He resisted and started to throw grenades at officers injuring the six officers who have been admitted in hospital in a stable condition. The bodies were moved to the mortuary. The suspect has been linked to arrested Elgiva Oliacha Bwire who was behind terror attacks in the city in 2011.

More to follow

Source: Standard

Howlgalkaan oo ka dhacay eeriyada Githurai Kimbo ee Magaalada Nairobi ayaa dhaawaca uu ka soo gaaray lix askari iyadoo muddo sideed saacadood oo howlgalka uu qaatay kadib halkaasi laga soo saaray bambo ay sheegeen Booliiska in uu u adeegsan rabay weerarka argagaxinta ee uu damacsanaa.

Sargaal u hadlay Ciidamada Booliiska ee howlgalka Fuliyay ayaa sheegay in Qofka ay ugu shakiyeen argagaxiyaha uu isku dayay in uu iska caabiyo howlgalka Booliiska oo uu ku soo tuuray bam gacmeed ay ku dhaawacmeen saraakiisha booliiska oo hada xaaladooda ay fiican tahay sida uu sheegay waxaana la dhigay Cispitaalka ayuu yiri.

Qofka la dilay ayaa waxaa lala xiriiriyay in uu ka dambeeyay weeraradii argagaxinta ee sanadkii 20011 ka dhacay Magaalada Nairobi iyadoo horay loo amray in la soo xirio.

Fogaan Arag News

Waxa ay sheegtay in ay si adag u dareentay noqoshada ay noqtay Mareykan dhowr marna ay ilmo soo buuxisay indhaheeda iyadoo 10 maalin ka hor maalinta loo dhaariyay noqoshada Mareykanka uu weerar qarax ah ku qaaday oradkii dheeraa ee Magaalada Boston oo ah isla magaalada ay ka qaadaday dhalashada Mareykanka.

Ayaan Xirsi oo markeedii hore ku dhalatay kuna soo barbaartay diinta Islaamka ayaa markii ay soo gashay qurbaha ka baxday waxaana ay ku caan baxday Islaam naceyb iyadoo qortay buugaag ay ka mid yihiin Infidel, Nomad, My Journey from Islam to America iyo waxa ayna qortay filimkii diinta loogu gefay ee submission ee ninkii soo saaray lagu dilay Magaalada Amsterdam iyadoo markaas kadibna ay gashay cabsi joogta oo qalqal badan galisay nolosheeda.

Waxaana markii dambe Muran badan ay ka dhex abuurtay golaha Baarlamaanka Netherlands ee ay ka mid aheyn gaar ahaan markii la soo bandhigay filimo cadeyn u ahaa in ay ka been sheegtay qaabkii ay isku dhiibtay, kadibna waxa ay iska casishay xubin nimadii Baarlamaanka oo ay u wareegtay Dalka Mareykanka.

Halkaan Ka Daawo Wareysi lala yeeshay oo ay ku sheegtay in ay noqotay Mareykan.

Fogaan Arag News

fogaanaragnews@gmail.com

Ciyaarahaan oo ay ku loolameen 16 kooxood oo ka dhisan gobolada Dalka ayaa waxaa ka soo qeyb galay Ra,isuulwasaare hore Dr Abdiweli Maxamed Cali Gaas, Farshaniste Amiin Arts, Masuuliyiin Sport oo ka kala imaaday gobolada dalka iyo dalalka kale Yurub iyo dadweyne fara badan oo u soo daawasho tagay.

Waxaa kaloo xusid Mudan in Ciyaaraha sanadkaan ay ku soo aadeen xili hay,ada Hirda ay u dabaal dagayso xuska sanad guuradii 15 aad ee ka soo wareegtay markii la aas aasay oo dadka sanadkaan lagu marti qaaday uu ka mid yahay wakiilka Hay,ada Hirda ee Soomaaliya.

Ciyaaraha sanadkaan oo aad u xiisa badnaa ayaa u dhacay sidii loogu talagalay, waxaana ugu dambeyn Finalka isugu soo haray kooxaxa Rotterdam iyo Utrecht oo Rotterdam ay ku guulaaysatay kadib markii gool ayt dhaliyeen qeybtii dambe ee Ciyaarta uu u suuragalay in ay ku guulaystaan koobkii Ciyaaraha kulleylaha ee Hirda.

Waxaana halkaasi bilado iyo koobabkii kaalinta koowaad iyo labaad lagu guddoonsiiyay kooxaxa Rotterdam iyo Utrecht sida ay u kala horeeyaan ,iyadoo Farshaxaniste Amiin Arts uu guddoonsiiyay Utrecht koobkii kaalinta labaad ee ay ku guulaysteen halka Ra,iisulwasaare hore Abdiweli Maxamed Cali gaas uu guddoonsiiyay Rotterdam koobkii weynaa ee loo tartamayay ee ay ku guuleysteen.

Hayada Hirda oo si weyn ugu dhex muuqata Bulshada Soomaalida Holland ayaa sanad walba soo qaban qaabisa Ciyaaro ay ku kulmiso dhalinyarada, macalimiinta iyo Madaxda Sports ka Soomaalida oo u qabato labo mar oo kala ah xiliyada kulleylaha iyo qoboobaba.

Hirda waxaa sidoo kale ay mashaariic samafal, hormarinta waxbarasha iyo arimaha haweenka ka qabataa Dalka Soomaaliya sida uu sheegay wakiilkeeda oo sanadkaan ka soo qeyb galay Munaasabada ay ku xusayaan 15 guurada ka soo wareegtay markii la aas aasay.

Faadumo Faarax oo ah Agaasimaha guud ee Hirda oo la hadashay Fogaan Arag ayaa ugu mahadcelisay dhamaan Dhalinyaradii ka soo qeyb gashay Ciyaaraha iyo Masuuliyiintii uu ugu horeeyay Ra,iisulwasaare hore Abdiweli Maxamed Cali Gaas, iyadoo si gaar ah ugu mahadcelisay dhalinyarada Hirda ee soo qaban qaabiyay sidii la rabayna u soo gababayey tartamadii Ciyaaraha Kulleylaha Hirda.

Iyadoo Habeenka Axadana ay qorshaynayaan in ay qabtaan Munaasabad weyn oo ay ugu magac dareen habeenkii Hormarinta oo halkaasi ay qudbado ka soo jeedinayaan Ra,iisulwasaare hore Dr Abdiweli Maxamed Cali Gaas, Amiin Caamir, Maxamed Diini,Ururka dhalinyarada Ardayda Netherlands iyo Dhalinyarada la dagaalanka Qabyaalada.

Halkaan ka Daawo Sawirrada oo dhan

Fogaan Arag News

fogaanaragnews@gmail.com

Macnaha Barnaamijka oo ah ILA BAX ama TAKE ME OUT ayaa waxaa wada Barnaamij soo saare kaftan iyo soo jiidasho badan waxa uuna ka mid yahay dadka caanka ah ee Netherlands iyadoo habeen walba 7 da fiidnimo iyo bar uu ka soo galo Tv RTL5 ayaa waxaa si saf ah u soo istaago goobta lagu qabanayo barnaamijka Haween badan oo magacyadoodana lagu qaro Boor kuwa qudbadaha laga jeediyo camal ah oo horyaala kadibna waxaa goobta lagu marti qaadaa wiil oo ka hadla waxa uu jecelyahay shaqadiisa,meesha uu ku nool yahay iyo in uu halkaas u imaaday in gabr uu kala baxo gabdhaha safan.

Waxaana Fursad loo siiyaa gabdhaha Saddex mar oo ay ku diidi karaan wiilka waxa ayna riixayaan badhan kor kaga yaala halka ay taagan yihiin oo macnaheeda ay tahay gabadha riixda oo midab guduud ah uu yeesho booska ay taagan tahay in ay diiday wiilkaasi halka qoftii aanan riixana ay muujinayso in ay rabto, waxaana badanaa isku soo hara laba ilaa saddex gabdhood oo marka dambe uu kala dooranayo wiilka.

Hadaba xalay ayaa waxaa lagala baxay goobta gabadha Soomaalida loo malaynaayo in ay tahay oo lagu magacaabo Nimco 18 jirna ah sida ka muuqato Barnaamijka, Nimco ayaa ugu dambeyn ay isku soo hareen gabar kale oo wiilka uu iyada ka doortay, waana gabgabada Barnaamijka oo habeen walba saddex wiil ay lagu marti qaado

Marka ay isla baxaan ayaa waxaa horay loo sii siiyaa Ticket ay ku dalxiis tagayaan gudaha Dalka halkaas oo meel ay waqti ku wada qaataan iyo dhamaan qarashaadkooda uu bixinayo barnaamijka in ay dalxiisayaan.

Barnaamijkaan ayaa sidoo kale waxaa uu ka jiraa dalal badan oo caalamka ah.

Guji linkigaan hoose si aad u Daawatid Barnaamijka Take me out

http://www.hebikietsgemist.nl/aflevering/151584/rtl-5/take-me-out/take-me-out-aflevering-40-.html

Fogaan Arag News

Daawada ay isticmaaleen oo loogu yeero Diane-35 Pills ayaa ah kaniiniyaal loo isticmaalo ka hortaga Uurka iyo daweynta nabarada ka soo baxa wajiga iyo luqunta sida ay sheeciyeen quburo ku taqasustay side-Effect ama xanuunka dadban ee ay leeyihiin daawooyinka

The Lareb laboratory oo ah Quburo ku taqasusay xanuunka dadban ee dawooyinka ay keenaan ayaa sheegay in bilowgii sanadkaan ay soo gaareen 621 cabasho oo ku saabsan Diane-35, iyadoo 388 cabsho oo ka md ah cabashooyinkaasina ay aad ugu xanaaqsanaayeen dhibka ay u keentay Daawadaas.

Dad badan oo ka mid ah kuwa ka cabanaya ayaa dib u qooraansaday sanado badan oo hore oo dhibaatada dadban ee Diane 35 la soo dhibtoonayay muddo badan, iyadoo saraakiisha caafimaadka dalka Netherlands laga dhowrayo in ay ka soo saaraan warbixin dhab ah oo ku saabsan xanuunka dadban ee dhacay.

122 qof oo ka mid ah dadka ka cabanayo daawadan ayaa sheegay in loogu qoray in ay ugu hortagaan Uurka, iyadoo waliba si dhab ah aanan loo ansixin daawadan in loo isticmaali karo ka hor taga uurka.

160,000 oo haween ah oo ku dhaqan Netherlands ayaa la aaminsan yahay in ay isticmaaleen Diane-35, oo badankooda loogu qoray in ay isaga daweeyaan nabarada ka soo baxa wajiga.

Fogaan Arag News

Madaxweyne Ku xigeenka Kenya William Ruto oo socdaal qaarada Afrika ah ku jira kuna socda magaca Madaxweyne Kenyatta ayaa aqalka Madaxtooyada Dalka Nigeria ugu geeyay Fariinta Hogaamiyaha Dalkaasi Mr Goodluck Jonathan

Madaweyne Kanyatta ayaa fariinta qoraalka ah ee uu u daray Dalka Nigeria ku yiri ”Nigeria waxa ay ka door hogaamin ah ka ciyaari kartaa xal u raadinta mashaakilka Soomaaliya hadii ay naga aqbashaan Codsigaan, Afrika iyo gaar ahaan Kenyana waxa ay u baahan yihiin in aad nagu soo biirtaan si aan xal wada jir ah ugu helno Soomaaliya”

Waxa uu intaasi ku daray in faragalin shaqsiyadeed oo Madaxweynaha Nigeria Jonathan uu ku soo sameeyo arinta Soomaaliya ay tahay wax weyn oo loo baahan yahay, sidoo kale waxa uu kala hadlay adkeynta xiriirka dalkiisa iyo Nigeria oo uu balaarinayo duulimaadyada Kenyan Airways ay ku tagto Magaalada Abuja.

Madaxweynaha Dalka Nigeria oo ka jawaabayay Codsiga Madaxda Kenya ayaa sheegay in Africa ay u baahan tahay xal laga wada qeyb qaato oo ay xal ugu helayaan mashkilada Soomaaliya waxa uuna soo jeediyay in shir gaar ah oo arimaha Soomaaliya looga hadlaayo lagu qarab qabto shirka sanadguurada 50 maad ee Ururka Madowga Afrika oo la filayo in uu dhaco todobaadka dambe .

Waxa uu uuna yiri ”Nigeria waxa ay ka walaacsan tahay dhaqdhaqaaqyada kooxaxa argagaxisada ee Soomaaliya oo saameyn dhanka xun ah ku sii yeelanayo nabada iyo hormarka Gobolka iyo meelo kale oo qaarada Afrika ah”

Waxa intaasi raaciyay in dhowaan uu ku dhawaaqay xaalad deg deg ah oo ku wajahan saddex gobol oo dalkiisa ah si loo qiimeeyo saameynta kooxaxa argagaxisada ay ku leeyihiin, waana qiimeynaa dhibka ay wajahaysaan hadaad tihiin iyo Kenya ayuu yiri.

Fogaan Arag News

William Ruto, the Deputy Prime Minister of Kenya and Special Envoy of Mr. Kenyatta to Mr. Jonathan, delivered the message at the State House, Abuja on Friday.

He said, “Nigeria plays a leadership role in Africa and Kenya needs you to join other leaders for a framework to help resolve the Somali problem.’’

Mr. Kenyatta said that Mr. Jonathan’s personal intervention in the Somali problem would help greatly. He also spoke on improving relations through extending Kenya Airways flight to Abuja as well as Kenya’s commitment to enhancing intra-African trade.

Responding, Mr. Jonathan said that Africa needed to find a collective solution to the problem in Somalia, suggesting a meeting of leaders on the sidelines of the AU 50th Anniversary Summit, scheduled for next week.

He said that Nigeria was concerned about the activities of terrorists in Somalia and other places in Africa and the attendant negative effects on peace and development on the continent.

“I have just declared a state of emergency in three states in our country to check the havoc of terrorists. So, I can appreciate the issues confronting Somalia and Kenya.’’

On the bilateral level, Jonathan said that Nigeria and Kenya had a lot to gain from stronger mutual relations.

He assured the envoy of necessary cooperation in that regard.

Source: Premium Times